ၸုမ်းပီႈၼွင်ႉတႆးဝဵင်းတႃႈၵုင်ႈ တင်ႈၵေႃၵဵပ်းသၢႆမၢႆႁူဝ်ၵူၼ်း
မိူဝ်ႈဝၼ်းတီႈ 17 လိူၼ်ဢွၵ်ႉၵိူသ်ႉတ် 2013 ၼၼ်ႉ ၵေႃလိၵ်ႈလၢႆးလႄႈၾိင်ႈငႄႈတႆး ဝဵင်းတႃႈၵုင်ႈ ႁူမ်ႈတင်း ၸုမ်းတႆး/ပႃႊတီႊတႆးလၢႆလၢႆၸုမ်း ဢွၼ်ၵၼ်ႁဵတ်းပၢင်ၵုမ် ဢုပ်ႇဢူဝ်းၵၼ် ပိူဝ်ႈတႃႇၶွတ်ႇၽွတ်ႈၵေႃၵမ်ၵၢၼ်ဢွၼ်ႁူဝ် ၼမ်းၼႃႈဢွၵ်ႇ ၵဵပ်းသၢႆမၢႆႁူဝ်ၵူၼ်းတႆး ၼႂ်းဝဵင်းတႃႈၵုင်ႈလႄႈ ၼႂ်းတိူင်းတႃႈၵုင်ႈပတ်းပိုၼ်ႉ တီႈဝတ်ႉတႆးၵဝ်ႈလၵ်း။ ၼႂ်းပၢင်ၵုမ်ၼၼ်ႉ မီးတင်းၶူးလူင်ၸၢႆးဢွင်ႇထုၼ်းလႄႈ ၻွၵ်ႉတိူဝ်ႊၸၢႆးသၢင်ႇဢၢႆႈၶဝ်ၶဝ်ႈႁူမ်ႈလႄႈၸီႉပၼ်ၼႅဝ်းတၢင်း ပႃးယူႇ။ ၼႂ်းပၢင်ၵုမ်လႆႈတူၵ်းလူင်းၵၼ် ႁႂ်ႈၵေႃၵမ်ၵၢၼ် ဢၼ်တင်ႈယဝ်ႉၼႆႉ တႄႇႁဵတ်းၵၢၼ်ၵႂႃႇၼႂ်းဝၼ်းတီႈ 20/08/2013 ၵမ်းလဵဝ် - ၼႆယဝ်ႉ။ ၵေႃၵမ်ၵၢၼ်ဢွၼ်ႁူဝ်ၵဵပ်းသၢႆမၢႆႁူဝ်ၵူၼ်းၼႆႉ မီး - 1. ၸၢႆးၵႅဝ်ႈတိပ်ႉ ႁူဝ်ပဝ်ႈ 2. ၸၢႆးမုၵ်ႉ ၵႅမ်ႁူဝ်ပဝ်ႈ 3. ၸၢႆးယီႈ ၵႅမ်ႁူဝ်ပဝ်ႈ လႄႈ 4. ၼၢင်းၸေႃးဢူင်ႇ ပဵၼ်ၽူႈၼမ်းၼႂ်း ဢိၵ်ႇတင်းလုၵ်ႈၸုမ်းထႅင်ႈ 11 ၵေႃႉ။ ၼႃႈၵၢၼ်ၵေႃၵမ်ၵၢၼ်ၶဝ်ၼႆႉ ၸီႉၼႄၼႅဝ်းတၢင်းတႃႇပိၼ်ႇၸိုဝ်ႈ မွင်ႇ - ၵုဝ်ႇ- ဢူး - တေႃႇ ၸိူဝ်းၼႆႉပဵၼ် ၸၢႆး-လုင်း ၼၢင်း-ပႃႈ- ပႃႈၼႃႈၸိုဝ်ႈတူဝ်ၵဝ်ႇ ၼႂ်းၶႅပ်းဝႂ်ၵပ်းတူဝ်၊ ႁူမ်ႈတင်းၸိုဝ်ႈ ၸၢဝ်းၶိူဝ်းၸိူင်ႉၼင်ႇ ၸၢဝ်း/ၶိူဝ်း ပမႃႇ- မႃးပဵၼ် ၸၢဝ်း/ၶိူဝ်းတႆး၊ ၸၢဝ်း/ၶိူဝ်းတႆးလႅင် ၸဵမ်ၸိူဝ်းၼႆႉ။
No comments:
Post a Comment